Cindy's profileCindy 愛妳一萬年PhotosBlogListsMore  |  Tools Help |
|
Cindy 愛妳一萬年1/6/2008 Yahoo Blog我已經好耐無update 呢個blog嚕﹗因為我喺yahoo度開咗個blog(方便同愛整蛋糕嘅朋友交流)，但我比較鍾意呢個blog嘅相簿功能，所以我會將我心愛嘅相片放喺呢度，而yahoo只會放d精華照片咋﹗
12/12/2007 15宗罪12-Dec-2007
今日終於都番工喇﹗有咩發生？學亞Ken話齋"10點前Cindy仲好靜，好正常，10點後就開始發癲喇"，其實我真係唔想架，但係有d同事實在太過份，又好不負責任，攪到大家同事都好"興"，一齊列出佢果15宗"罪"，不過我諗到最後佢都係無罪釋放架啦﹗ 好耐無射波喇﹗so...11-Dec-2007
見去完旅行都未病好過，so ... 射波日﹗放假一天﹗  爸爸豬遲來的生日蛋糕10-Dec-2007
 尋日係爸爸豬嘅生日，而我竟然捱到last 15分鐘就瞓着咗，要佢叫醒我，先同佢講咗句"生日快樂"，sorry呀﹒﹒﹒爸爸豬。
雖然今日我仲係放緊大假，但係為咗第一時間比d手信(鴨舌)我同事，就約咗佢哋食lunch，今晚就去接爸爸豬收工食dinner，咁晏晝幾個鐘去邊好？其實我一早諗定晒，就係去Rare Cake學整蛋糕，今次係爸爸豬鍾意食嘅栗子蛋糕，不過加咗d花巧野﹒﹒﹒就變成"火焰蛋白黃金栗子蛋糕"。
今次除咗學到呢個火焰蛋白黃金栗子蛋糕，仲偷師學多咗一個蛋糕，因為有一個學生報咗"伯爵青檸慕絲蛋糕"，而我又整完我個cake，咪睇吓人哋整囉﹗仲有得試食tim
 ﹗講真，佢今次呢個mousse cake係直徑 6cm x 8件，又可以轉做6"cake + 2件 6cm 餅，計落又好似幾抵喎﹗等我番公司問吓d同事有無興趣先，28-Dec (19:00)又開班啦﹗講番爸爸豬個蛋糕先，整完餅就嗱嗱臨"飛的"去佢公司，佢哋成班同事同佢喺conference room唱生日歌，食蛋糕，最緊要係話我個cake好靚同好食啦﹗yeah!!
 PS. 唔知係咪星期日食藥瞓得太多，攪到成凌晨5點左右先瞓得着，我同我妹妹 & d同事講，仲比佢哋笑我話"唔同去台灣都有時差﹗"﹒﹒﹒真係比佢哋激死呀﹗  返來喇﹗話咁就去完4日台北之旅，等我數吓我今次去過邊先﹒﹒﹒西門丁，淡水，漁人碼頭，美麗華摩天輪，士林夜市，動物園，貓空纜車，新北投溫泉，總括嚟講都數OK嘅，不過始終同老人家去都係比較﹒﹒﹒下次都係咪攪我﹗
 PS. 今次旅行有咩得着﹒﹒﹒之唔係傷風感冒囉﹗好辛苦呀﹗
 11/30/2007 我係周小姐？29-Nov-2007
今日爸爸豬同我講﹒﹒﹒話我無得去台灣喎，吓﹒﹒﹒點解呀？﹒﹒﹒原來旅行社攪錯咗我個名，我係姓"Chan"，唔係"Chau"呀，唔使咁快幫我改姓喎，我仲未嫁架﹗
 爸爸豬嗱嗱臨叫旅行社check番機票出咗未，要改番啱D資料，好彩到最後都攪掂晒，如果唔係都唔知點算呀﹗放工同亞Ken去咗朗豪坊食飯，順道八吓佢最近嘅感情生活(真八啩呢﹗)唉﹒﹒﹒而家佢哋嘅關係真係複雜，雖然你話想呢個禮拜settle好你哋嘅關係，但係你又捨得咩？希望我下個禮拜去完旅行番嚟，你會比個好消息我，因為我都唔想你再唔開心架。
PS. 我會記得買手信比你架﹒﹒﹒(希望) 你知老人家無記性嘛﹗ 拍拖喇 ﹗29-Nov-2007
早兩日知道咗我個好姊妹終於都拍拖喇﹗真係恭喜晒﹗雖然呢段戀情而家仲係玩緊地下情，不過我諗好快就會曝光，但係一定唔係我爆響口架﹗  11/22/2007 朋友﹒﹒﹒要振作呵﹗21-Nov-2007
今日阿Ken同我MSN，同我講佢呢幾日好唔開心，點解？唔係事業，就梗係﹒﹒﹒雖然同佢只係數句MSN嘅往來，但從文字中我睇得出佢真係好down，我可以做嘅就只係同佢打打氣，畢竟我又唔係當事人﹗唉﹒﹒﹒識你咁耐，都未見過你咁樣，朋友﹒﹒﹒要振作呵﹗雖然我哋唔係成日見面同傾計，不過我真係希望喺朋友有需要時，我可以為你分擔，記住﹒﹒﹒有咩事記住call我呀﹗  11/20/2007 為了靚靚﹒﹒﹒20-Nov-2007
呢排工作唔係咁忙，成日喺公司hea，更加唔洗講話要OT啦﹗唉﹒﹒﹒放工無野做，做咩好呢？不如去吓扮靚，做facial啦﹗橫掂星期六要去我表姐嘅婚宴，好﹒﹒﹒book埋星期四去整指甲，咁就靚晒﹗﹗不過唔知星期六凍唔凍呢？我果件係中袖衫嚟架﹗﹗ 11/19/2007 第一次Blog友聚會_都會海逸酒店17-Nov-2007 今日約咗5個blog友( Hallelujah @YY Cake , FUNPUCCA , Cindy , 芝麻綠豆官 , A La Claire Fontaine- Wendy )喺都會海逸酒店攪blog聚，喺度要多謝Cindy帶病出席，如果唔係我哋就唔可以食到超平嘅Tea Buffet，你估吓幾多$$，只不過係90大洋咋﹗喺酒店喎﹗仲要係好味果隻﹒﹒﹒正﹗ 第一次見到d新朋友，真係好緊張，攪到平時出名唔停口嘅，都變得好怕醜，不過佢哋真係好nice，慢慢我哋就開始有話題，但可能座位嘅關係，我今日都無咩機會同Wendy & Funpucca傾計，希望下次有更多機會喇﹗ 哈哈﹒﹒﹒今日可算係又食又拎，點解？之唔係收到blog友嘅小禮物囉，多謝晒咁多位嘅心意，但係我竟然什麼都無準備
Blog友的小禮物 (Melo嘅曲奇餅模&記事簿，Wendy嘅朱古力)，Sorry呀﹒﹒﹒Yvonne同Flora你哋嘅鳳梨卷同芝士餅已經比我同我honey食咗，唔記得影相，不過真係好好味，多謝晒﹗) 11/16/2007 緊張16-Nov-2007
好緊張呀﹗因為聽日要同d blog友仔見面，但係我唔係太舒服，有d喉嚨痛，唔好理咁多喇，食定葯打底先，希望聽日會無事喇﹗不過我真係唔識路，唯有早d去搵吓la，唔想第一次約人就遲到呀﹗
 Cindy飯局15-Nov-2007
今日約咗個舊朋友食晚飯，數數手指﹒﹒﹒都成兩三年坐底一齊食過飯喇﹗見面都有嘅，不過係我有時返工喺架巴士度見到佢等車，但係佢見唔到我果隻囉﹗(哈哈﹗
 )佢其實無咩點變，但我就﹒﹒﹒肥咗少少囉﹗我哋去咗APM食飯，行吓睇吓，上咗去條上兩/三層樓嘅扶手電梯，突然間我靜晒唔講野﹒﹒﹒因為我驚高呀﹗同佢講完，佢就諗起幾年前"朗豪坊"嘅一次飯局，又係一條好長嘅扶手電梯，又係一個沉默嘅我﹒﹒﹒佢仲話下次一定要去朗豪坊食喎﹒﹒﹒咪玩啦﹗大哥，我真係驚架﹗我哋食吓講吓，講吓大家近況，唉﹒﹒﹒原來佢已經out晒喇，仲話我好野無同佢講，想屈我下次請食飯，其實係你無問，我咪無講囉，不過大家真係好耐無坐底傾過計，平時打比我都係問公事居多，唉﹒﹒﹒朋友喎﹗到我問佢D野又o依o依哦哦，激氣呀﹗
公司攪咗個什麼職業安全週？又有投票活動，又有問答題(有得簡架﹗仲有獎品tim
 ﹗﹗)，今日大家攞咗十零分鐘做吓D伸展運動，之後仲有益力多派同公司品牌原子筆tim，一人一枝，正所謂"朝中有人好辦事"，我有friend底係入面，當然可以攞多兩枝啦﹗估唔到枝筆幾好寫喎﹗諗住攞多枝喇，但係佢話唔夠分，激氣呀﹗(行動失敗 )PS. 你今日飲咗未呀？ 10/24/2007 Long time no OT !!23-Oct-2007
好耐都無試過OT到8點幾喇，真係有D唔慣tim ﹗
 不過為咗下個禮拜嘅悠長假期，辛苦D都值得嘅。番到屋企都成九點幾，睇睇吓電視果陣，媽咪突然同我講，話佢d friend讚我整嘅蛋糕仔好食，不過份量就少咗d﹒﹒﹒其實我都剩番好多比屋企ga，不過可能小妹攞晒番公司咋？
 佢仲話比咗d Issac同Lisa(印傭)食tim，Lisa仲話"good good" tim﹒﹒﹒哈哈我仲應承咗媽媽下次整多d比佢d friend食tim，其實整野食最大嘅滿足感就係得到大家嘅讚賞，聽到大家話好食，我就會再比心機去整，最緊要係大家肯做我隻白老鼠唧﹗
舊朋友22-Oct-2007
 今日我見番一個好耐無見嘅朋友，數數手指﹒﹒﹒都有成兩三年無見喇﹗估唔到會喺街撞番佢，而佢仲認得我，不過話我肥咗 (激氣呀﹗
 比起舊時都係肥咗十零磅唧) 就係咁，我哋喺條街度傾咗成幾個字，講吓大家近況咁囉，記得佢果時做咗個大手術，身體唔係咁好，不過今次見佢比之前精神咗，得閒真係要call佢傾吓計先。心太軟 & 一口蛋糕仔21-Oct-2007
 今日一早比亞媽叫醒去拜山，番到屋企諗住睇吓電視relax吓，點知做正果套"什麼黑玫瑰對黑玫瑰"
 ﹒﹒﹒真係悶極，於是我就去整cake食，仲要整我欠小妹好一段日子嘅"心太軟"，同我好想整嘅"一口蛋糕仔"。呢兩個小食都係我第一次整咋，所以都有D緊張，驚唔知會有咩意外發生﹒﹒﹒心太軟 - 2個，因為我家只有小妹"好"食朱古力，我就好驚佢太"溜"，所以今次只做2個，結果係點﹒﹒﹒總算成功，不過唔記過影相
 一口蛋糕仔 - 64個，原味 + 有提子乾 (有D小妹加咗)
食後感︰好似焗耐咗D，比較乾身同鞋口，有個同事都有同感，但有D同事話OK喎﹒﹒﹒唔知係咪安慰我呢？
小插曲︰個焗爐唔知點解個時間制鬆咗，嚇到我以為壞咗﹒﹒﹒幾驚我準備好嘅心血白費﹗
10/21/2007 月誌？？20-Oct-2007
唔經唔覺就一個月啦﹗究竟係日誌定係月誌呢？我真係攪唔清楚
，淨係知道呢個月工作得唔多開心，攪到我"使"咗好多 ，何解？知唔係我要relax囉，工作上好多唔如意﹒﹒﹒我都預咗 ，但咁樣谷落去我會癲ga，咪去shopping relax吓囉﹗我知爸爸豬近排工作都好忙，而且壓力都唔少，相比我呢d唔如意，真係蚊同牛比啦﹗放鬆吓啦香港人，爸爸﹒﹒﹒奸爸嗲﹗ 除咗工作，呢個月都去咗兩個朋友嘅生日派對，29/9去咗美孚九華徑BBQ為亞俊祝壽，食後感︰食物一般，交通方便(話晒都係市區)，但好唔環保，因為佢用發泡膠wrap好晒一份份，而雪雁就19/10生日，我哋15/10放工就去大尾篤食泰國野同佢預祝生日，果度環境唔錯，幾好feel，食物就一般啦，不過一大班人食一人$110左右又唔貴(仲要請埋壽星女)，但係真係比較遠，如果唔係虎三(亞Ken)揸車
 去，我都唔去呀﹗仲有一樣好緊要嘅事﹒﹒﹒就係我就嚟飛啦  ﹒﹒﹒yeah!!繼三月去咗沙巴 後，今次我哋又去日本 -- 東京﹒﹒﹒Tokyo, I'm coming !! 今次已經係我第二年唔喺香港過生日，記得N年前我喺荷蘭過生日，仲買咗隻Miffy木屐錢箱比自己做生日禮物tim。唔知今次會唔會又買野比自己呢？9/20/2007 事不關己、己不勞心19-Sep-2007
好耐都無update個blog嚕，我係咪好忙？唔好話我講風涼話，坦白講我真係好得閒，日日喺公司hea，日子真係難過﹗好在我係plan A嘅人，17:15可以即閃，起碼唔使喺度磨多9個字，唉﹒﹒﹒又聽到D唔開心嘅事，令大家工作得唔係太開心，D人係公司掛着一張虛假嘅面，真是不好受，我從來都唔係D訶言奉承嘅人，因為呢個根本唔係我，我從來唔會對任何唔公平嘅事妥協，或者有人會覺得我好硬頸、固執，但係我 ﹒﹒﹒就係我，唔會理人哋點講，我只係做好自己嘅本份，但係呢間team總係怪怪的，點解？因為佢好buy D "seven咕碌"、"on出出"、"大喊十"嘅人，自問我喺呢年都改變咗好多，都係我仍然係細姐心目中嘅滋事份子，做唔到野個咋人，唉﹒﹒﹒自動波幫完同事做野，仲要比細姐話我唔好咁心胸狹窄，我頂 ﹒﹒﹒"x@#&z "﹗Never mind，我唔係要全世界人認同我，起碼亞敏見到我嘅改變，得到佢嘅認同，我已經覺得自己成功咗。不過佢呢排都做得好唔開心，大家唯有互相安慰，收工齊齊閃喇，實行"事不關己、己不勞心"。 8/29/2007 彤彤生日會25-Aug-2007
 今日我哋成班同事同彤彤預祝生日，美其名預祝生日，實際係男的打牌，女的玩"美女廚房"，可憐的小彤彤就?度"計"要人陪佢玩﹒﹒﹒
因為次次攪party都係食果d野，所以今次攪攪新意思，因為佢?鍾意食我媽煮的"蜜餞雞翼" (我帶過兩次返工食)，所以今次我親自下廚為佢?煮呢味?，不過因為我?今次又係去"無飯家庭"屋企開party，為安全計，唯有請槍叫我媽幫我醃?d雞翼先，不過要我從我老家(藍田)帶番荃灣公司，再帶住呢2-3磅雞翼，腳踏3吋高跟鞋，?荃灣食個lunch，陪佢?去千色店買禮物，再去買街市?同買蛋糕，尾站係馬鞍山。(題外話：我都有好多年無去過呢d舊式街市買?，通常都係去supermarket，雖然d人話呢d街市平d，但係我只不過係買?d魚肉同菜，就攪到成身汗，唔怪得d人鍾意去supermarket喇﹒﹒﹒有冷氣嘛﹗) 其實我?每次上去開party都會自家制蛋糕，不過佢話個焗爐壞?，又費事之前一晚整定(工作比較忙碌)，而且又聽聞美x新出隻"彈彈糕"好好食，咪買?試?囉，點知﹒﹒﹒唉﹒﹒﹒都係一陣再講。我?一行5人又拎住鬼屎咁多野，咪去call八折的咪囉，點知等呀等，等到黑雲先生逐步迫近，呀!點算呀!!我?無遮架，就算有，我?都無手?喇，就?呢果緊張關頭﹒﹒﹒的士到喇，我?二話不說就跳上車，嘩!超好彩﹒﹒﹒之唔係開車無耐就落"狗屎"囉﹗咪以為去到馬鞍山就可以上樓坐?，我?仲要去supermarket買野，買?汽水同調味料咁 -- 無飯家庭嘛﹗
我哋次次都攪到成九點幾十點先開餐，所以今次就決定6點半開始，目標係8點開餐，菜單有：
1. 蜜餞雞翼
2. 泰式炸魚餅
3. "咕嚕"煎餃子
4. UFO秘制辣醬汁
5. 牛油炒秀珍菇
6. "亞毛"炒意粉
7. 牛油炒金菇
8 & 9. 美心彈彈糕
仲有粟米更同日式炒什菜﹒﹒﹒好豐富呵﹗
除咗蜜餞雞翼係我整之外，其他?都唔係我煮?，而呢個雞翼係我媽?招牌?，我當然要加把勁啦，今次係我第一次煮咋﹗不過我已經向我媽偷師，仲寫埋筆記tim。好喇﹗就由我開始先﹒﹒﹒let's go!!
一開始時梗有少許手忙腳亂，d男人又成日?度偷望，又話要叫定pizza﹒﹒﹒激氣呀﹗因為係我第一次煮?關係，比d油彈到好鬼痛，攪到幾個?度we嘩鬼叫，佢?仲話我??度玩"美女廚房"tim，不過整出?都似模似樣﹒﹒﹒
唔經唔覺又整到成9點多，終於都開餐喇﹗全部菜式大致順利，除?d菇落重?手牛油，同個意粉唔記得落鹽之外，大家都食得飽飽。抖?一陣又到切蛋糕時候，大家都十分期待呢個蛋糕，以為咩"彈彈糕"咁巴閉，點知個蛋糕仲"鞋"過沙莉蛋糕，仲一d都唔彈，唔夠鬆軟，簡直係?笨，仲要成$98蚊﹒﹒﹒扼錢﹗
之後，我?又到送禮物時候，你睇呢個手飾盒係咪好靚呢？邊個咁有眼光，之唔係我囉，彤彤仲好鬼鍾意tim﹗ 8/10/2007 打到嚟啦﹗10-Aug-2007
 今日食完個lunch，大家吹水講緊"帕布"呢個回頭風，個個都講到興高采烈，有d又plan定約人打牌，有d又話去唱K﹒﹒﹒但我就唔係好想打風喇﹒﹒﹒因為今日係CFS closing，聽日又要做柜。點知阿"帕布"兄真係返轉頭，唉﹒﹒﹒
攪到d電話打鑼係咁響
 ，雖然兩點幾就掛咗8號，但我都唔可以即刻走，又要攪埋d手尾先走得﹒﹒﹒好慘﹗﹗ 8/9/2007 牛油皮蛋撻與雞批8-Aug-2007
今年天文台第一次掛咗一號風球，大家都好期待八號風球嘅來臨，但我竟然唔想佢嚟，因為我要去學整野食嘛﹗
 其實過程都唔係好複雜，只不過又係熟能生巧啫。要做好個蛋撻皮，其實真係唔容易，唔知點解硬係做得唔夠平均，做出嚟個樣都唔係好似，個雞批D餡又唔夠D師奶爭，攪到佢唔夠dome shape，扁撻撻咁﹒﹒﹒  不過都總算見得吓人。落堂後，我仲第一時間將新鮮出爐嘅蛋撻送到爸爸豬手上，雖然落住雨，但我真係好想比爸爸豬試吓我手勢 (費時佢成日話佢無得食喇﹗)不過爸爸豬似乎又一次唔多欣賞我整嘅野食 ，睇嚟只有"蜜餞雞翼"先可以令我取回分數。 好﹒﹒﹒我揾日要同陳太拜師學藝先得喇﹒﹒﹒不過真係﹒﹒﹒揾日啦﹗ ﹒﹒﹒哈哈﹗黑仔達7-Aug-2007
其實我真係唔係好鍾意"過數"比人，我成日都驚過錯account，所以每次都會好小心，但係意外竟然發生喺我身上﹒﹒﹒
話說尋日上網報咗怪師傅嘅"牛油皮蛋撻與雞批"，但今次有D唔同，因為今次只係得我一個去學咋﹗ 而且報名時得番一個位咋﹗(Lucky !! ) 本來諗住放工時出旺角比錢，但因為我懶同晏咗收工，所以就決定過數比師傅喇，點知部機竟然無receipt出﹒﹒﹒我頂﹗咁我點算呀？咪即刻打比師傅問吓囉，好彩佢哋未收工，仲叫我check番bank攞番個reference no. 比佢就ok，咁唯有聽日先算啦﹗ |
|
|||||||
，就咁帶兩梳蕉
出來，真係唔好意思，下次我一定會做好準備，不過我整野食係有限公司，可以整D咩呢
|
|
